कुणीतरी असाव...

कुणीतरी असाव...
हळव्या मनास जपणार,
कुशीत घेऊन समजवणार,
एकांतात आठवण काढणार,
मौनाची भाषा जाणणार...

कुणीतरी असाव...
माझ्यावर हक्कने रागवणार,
माझा रुसवा प्रेमाने काढणार,
दुःखात अश्रु होऊन साथ देणार,
सुखात हास्य होऊन फुलवणार...

कुणीतरी असाव...
कधी पाऊस होऊन बरसणार,
तर कधी प्रत्येक श्वासात मिसळणार,
चांदण्या राती हातात हात घेणार,
पहाटेच्या स्वप्नात येऊन हसवणार...

खरच कुणीतरी असाव...
जे फक्त आपल आणि आपल असाव
दुर राहुनही मनाच्या जवळ भासाव...